150 board feet ng illegal na kahoy, nakumpiska sa Gabaldon

Nagsagawa ng joint Major Internal Security Operation ang 1st PMFC NEPPO, kasama ang kapulisan ng Gabaldon, Palayan City, at Laur, 91 Infantry Battalion Alpha Company at Municipal Environment Natural Resources Office sa Barangay Bugnan, Gabaldon noong 7:30 ng gabi ng July 15, 2022.

Bago makarating sa Santor River, nakita ng grupo ang tatlong suspek na naghahakot ng illegal na mga tabla. Nang mapansin ang mga awtoridad ay mabilis na tumakas ang mga ito patungong barangay Bagong Sikat.

Naiwan ang isang clutch bag na naglalaman ng isang CAL.38 REVOLVER SMITH AND WESSON without Serial Number na may isang bala.
Ang nakumpiskang 21 pieces ng tabla na tinatayang nasa 150 board feet na nagkakahalaga ng Php7,500.00 ay iti-turn over to CENRO habang ang baril ay dinala sa 1st PMFC NEPPO Headquarters.