2026 BUDGET INSERTION SA PAMPANGA, IBINUNYAG NI GLORIA MACAPAGAL ARROYO
Inihayag ni dating Pangulo at kasalukuyang Pampanga 2nd District Representative Gloria Macapagal Arroyo na may nagtangkang magpasok ng daan-daang milyong pisong pondo para sa flood control projects sa kanyang distrito sa proposed 2026 General Appropriations Bill (GAB), kahit hindi ito hiniling o inendorso ng kanyang tanggapan.
Sa isang Facebook post, sinabi ni Arroyo na natuklasan ang nasabing budget insertion habang tinatalakay ng House Committee on Appropriations ang mga amendments sa 2026 proposed budget.
Nilinaw ni Arroyo na hindi siya ang nagpropose ng naturang pondo.
Hindi rin siya nagbigay ng detalye kung sino ang nasa likod nito, at pinasalamatan niya ang Committee on Appropriations sa pag-tanggal ng naturang alokasyon.
Ang GAB ang naglalaman ng proposed national budget na nagiging General Appropriations Act (GAA) kapag pinirmahan na ng Pangulo.
Noong October 13, inaprubahan ng House of Representatives sa third and final reading ang P6.793-trillion 2026 GAB, na 7.4% higher kumpara sa P6.326 trillion noong 2025, at ngayon ang pinakamalaking national budget sa kasaysayan ng bansa.
