300-MW Wind Power Project, Naghihintay ng ECC Mula sa DENR
Naghihintay pa ng Environmental Compliance Certificate mula sa Department of Environment and Natural Resources ang 300-MW wind power project sa Nueva Ecija.
Ang proyekto ay planong itayo ng Danish fund manager na Copenhagen Infrastructure Partners o CIP.
Isasagawa ang proyekto sa pamamagitan ng subsidiary nitong San Jose Onshore Wind Power Corp.
Ayon sa pag-aaral ng global professional services, aabot sa P30.5 bilyon ang magiging halaga ng proyekto.
Kapag naibigay ang ECC, maaari nang magpatuloy ang proyekto sa susunod na development stage.
Sa pamamagitan ng ECC ay matitiyak na ligtas ang proyekto sa kalikasan at sa mga komunidad.
300-MW Wind Project Itatayo sa Lupao at Carranglan
Nakatakdang itayo ang proyekto sa mga bayan ng Lupao at Carranglan sa Nueva Ecija.
Sakop nito ang 4,617 hectares sa loob ng Talavera watershed forest reserve na makakapag-generate ng 300-MW renewable energy (RE) capacity.
Target na Commercial Operation sa 2029
Inaasahang magsisimula ang pre-construction works sa ikatlong quarter ng susunod na taon.
Pagkatapos nito, sisimulan ang aktuwal na konstruksyon sa ikalawang quarter ng 2027.
Kung walang magiging delay, inaasahang magsisimula ang commercial operations sa 2029, na magbibigay ng malaking ambag sa renewable energy targets ng Pilipinas.
