Nakaaresto ang Police Regional Office 3 (PRO3) ng kabuuang 394 wanted persons sa iba’t ibang police operations sa Central Luzon mula Enero 1 hanggang Enero 20, 2026.
Ayon kay PRO3 Regional Director Ponce Rogelio Peñones, kabilang sa mga naaresto ang 275 Other Wanted Persons (OWP), 52 Most Wanted Persons (MWP), at 67 Top Ten Most Wanted Persons (TTMWP), base sa consolidated reports ng provincial at city police offices.
394 WANTED PERSONS, NAARESTO SA CENTRAL LUZON
Dagdag pa ni Peñones, sa 67 Top Ten Most Wanted Persons na naaresto, 10 ay nasa regional level, 39 ay nasa provincial at highly urbanized city level, at 18 ay nasa municipal level. Paliwanag niya, ipinapakita nito ang lawak at lalim ng manhunt operations ng PRO3 sa lahat ng hurisdiksyon.
Malaki umano ang naging kontribusyon dito ng mga police units sa Nueva Ecija, Bulacan, Pampanga, Tarlac, Bataan, Angeles City, Zambales, Aurora, at Olongapo City.
