Likas sa mga tao ang kumain ng masasarap na pagkain at maituturing itong esensyal sa pang-araw-araw na pamumuhay.
Pero sa bansang Vietnam ay may isang 75-anyos na lola na nagngangalang Bui Thi Loi at nakatira sa Loc Ninh Commune, Quang Binh Province na taga alaga ng lokal na sementeryo ng militar, at dating lumahok sa mga grupo ng boluntaryo ng kabataan at tumulong sa mga sundalo.
Noong 1963, nagsimulang hindi umano siya kumain ng solid foods gaya ng karne, kanin o prutas at nabubuhay lamang sa pag-inom ng tubig at matatamis na softdrinks sa loob ng 50 taon sa kanila nito ay maganda pa rin daw ang kanyang pakiramdam at puno ng enerhiya.
Ayon sa lola, hindi na siya nakaramdam ng gutom matapos umano itong mahimatay dahil sa natamaan siya ng kidlat noong umakyat sa kabundukan para gamutin ang mga sundalong sugatan noong kasagsagan ng US-Vietnam war.
Ito’y nangyari umano nang humantong siya sa edad na 26 kung saan ni hindi na siya natatakam sa kahit ano mang uri ng pagkain.
Kung kaya, simula noon at sa 50 taong nakalilipas ay tanging tubig na lamang at softdrinks ang kaniyang pampalakas na magpahanggang sa ngayon ay nanantili naman umanong maganda ang kaniyang kalusugan.
Gayunpaman, maraming tao ang may pagdududa tungkol sa pamumuhay ng lola. Halimbawa, sinabi ni Tran Van Thanh, deputy chairman ng Loc Ninh Commune People’s Committee, na imposibleng kumpirmahin kung sa tubig lang talaga nabubuhay si Ms. Loy. Ayon sa kanya, ang kuwentong ito ay limitado lamang sa mga sinasabi ng mga tao at mga kuwento mismo ng lola, at walang sinuman ang nag-verify nito.
Napansin ng mga eksperto na ang mga kuwento ay paulit-ulit na lumitaw sa mga social networking sites tungkol sa mga taong hindi nakakain ng mga dekada at namumuhay pa rin ng malusog.
Ngunit, mahirap umano itong i-verify para mapatotohanan.
