Nagsagawa ng iba’t ibang aktibidad ang 7th Infantry Division ng Philippine Army sa Fort Magsaysay Military Reservation sa loob ng isang buwan bilang bahagi ng pagdiriwang ng kanilang 34th Founding Anniversary na may temang ‘Advocating the Kaugnay Spirit’.
Noong August 1, 2022 ang mismong araw ng kanilang anibersaryo kung saan nagkaroon ng programa na ginanap sa Kaugnay Multi-purpose Hall na dinaluhan ni Lieutenant General Romeo Brawner Jr., ang 65th Commanding General, PA na nagsilbing guest of honor and speaker.
Tampok sa programa ang inagurasyon ng bagong admin building, paggawad ng pagkilala sa mga sundalo at mga sibilyan dahil sa kanilang naging kontribusyon sa serbisyo publiko.
Ayon kay Lt. Gen. Brawner na dating naglingkod bilang Commander ng 6th Special Forces Company, at 2nd Special Forces Battalion, inaasahang sa pagtatapos ng taong ito ay magwawakas na rin ang insurgency sa Northern Luzon sanhi ng matagumpay na pagpapatupad ng NTF-ELCAC o National Task Force to End Local Communist Armed Conflict.
Ilan naman sa mga mahahalagang accomplishments ng 7ID simula January 2021 hanggang sa kasalukuyan resulta ng labindalawang naitalang armadong pakikibaka sa guerilla fronts ang pag-neutralize sa sampong barangay communists, pag-surrender ng 116 regular communists and terrorists, pagsuko ng 44 Sangay ng Partido sa Lokalidad, 132 New People’s Army sa barrio at 1,538 Underground Mass Organization members, at recovery ng may total na 205 firearms.
Sa mensahe ni Major General Andrew Costelo, Commander ng 7th Kaugnay ID, pinasalamatan nito ang mga kaibigan at kasamahan na palaging nakaagapay at nakasuporta sa kanyang panunungkulan.
