GILAS PILIPINAS,NAGSIMULA NG MAG ENSAYO SA ESTONIA

Sumalang kaagad ang Gilas Pilipinas sa en­sayo pagkalapag sa Es­tonia upang sulitin ang Europe training camp bi­lang bahagi ng mahabang preparasyon para sa 2023 FIBA World Cup na nakatakda sa Agosto 25 hanggang Setyembre 10.

Sabak agad sa praktis sina Chris Newsome, June Mar Fajardo at Japeth Agular ,Scottie Thompson, , CJ Perez, , Jamie Malonzo, at Poy Erram mula sa PBA. Kasama rin si assistant coach Jong Uichico.

Walang pahi-pahinga para sa Nationals,tampok ang 12 manlalaro, habang wala pa ang ibang mi­yem­bro ng 20-man trai­ning pool upang samahan sila sa mahaba-habang European trip.

Kasama din ang mga overseas Pinoy imports na sina Rhenz Abando mu­la sa Korea, Dwight Ra­mos, Thirdy at Kiefer Ra­vena ng Japan pati na si US NCAA ace AJ Edu na kakapirma lang din ng kontrata sa Toyama Grouses sa B. League.

Inaasahang susunod sa Estonia sina naturalized pla­yers Justin Brownlee at ( aNDS)Ange Kouame.

Hindi nakasama sa bi­yahe sina Ray Parks, Cal­vin Oftana at Roger Po­goy na nagpagagaling pa sa injuries, habang nasa Amerika pa sina Jordan Heading, Kai Sotto at Jordan Clarkson.

Sasabak sa isang pocket tournament at ilang tune-up games ang Gi­las sa Estonia bago tu­mungo sa Lithuania sa Hulyo para sa pagpapatuloy ng preparasyon.

Nakapila rin sa Gilas ang ilang pocket tournament sa China at sa Pilipi­nas pag-uwi nila para sa pi­nal na preparasyon bago ang World Cup tampok ang Pinas, Japan at Indonesia bilang co-hosts.

Makakaharap ng Gilas ang Dominican Republic, Italy at Angola sa Group A ng World Cup na ang final phase ay gaganapin sa Phil.Arena,mall of Asia .