PAMPANGA GIANT LANTERNS VS BACOOR STRIKERS, MAGHAHARAP SA MPBL 2023 FINALS
Matapos na pabagsakin ng Pampanga Giant Lanterns ang San Juan Knights sa kanilang Best of 3 MPBL North Division finals sa FiIOil EcoOil Center sa homecourt ng San Juan, tinanghal na North Division Champion ang Pampanga sa score na 82-76.
Ang dating La Salle star na si Justine Baltazar ay nagsalpak ng dalawang clutch free throws sa mga huling segundo para kumpletuhin ang pagbabalik mula sa 17-point deficit at tapusin ang 2-0 sweep ng Knights sa harap ng star-studded home crowd.
Nagpakawala ang Giant Lanterns ng 25 puntos habang anim lang ang nagawa ng Knights sa fourth quarter kung saan pinangunahan ni Encho Serrano na may 11 points, Clemente na may 2 triples katulong si MJ Garcia para tapusin ang kanilang best-of-three title series at umabante sa National Finals laban sa nanalo sa South Division Finals.
Ang Pampanga ay naghahanda na ngayon sa best-of-five national finals kung saan makakatagpo nito ang Bacoor City Strikers, South Division Champion matapos na Talunin ang Batangas City Embassy.
Pinahiya naman ng Bacoor Strikers ang Batangas City Embassy Chill Athletics sa limang puntos sa fourth quarter at nanaig ang 54-49 sa Game 2 noong Biyernes para makuha ang korona ng MPBL (Maharlika Pilipinas Basketball League) South Division sa Batangas City Coliseum.
Bukod sa matibay nilang depensa, kumawala din ang Strikers ng 14 puntos sa pamamagitan nina James Kwekuteye at Aaron Jeruta para kumpletuhin ang kanilang pag-akyat mula sa 10-point at makabuo ng National Finals collision sa Pampanga Giant Lanterns, ang North Division champions.
Matapos na matalo sa score na 89-65 sa Batangas sa Game 1, pinutol ng Strikers ang best-of-three South series para makuha ang game 2 at game 3 patungo sa kanilang unang titulo sa 29-team regional league at makuha ang MPBL South Division Champion
Iginawad ni MPBL Commissioner Kenneth Duremdes ang championship trophy kay Bacoor Strikers team manager Dennis Abella.Ganon din sa Pampanga Giant Lantern kay Coach Governor Delta Pineda.
Magsasagupaan ang Strikers at Giant Lanterns sa best-of-five National Finals simula sa Nob. 24, Biyernes, sa Bren Z. Guiao Convention Center sa San Fernando, Pampanga.
