22 BAYAN KALAHOK SA 2023 GOVERNOR AURELIO UMALI WOMEN’S INTER-TOWN VOLLEYBALL LEAGUE
Tuloy-tuloy ang bakbakan ng 2023 Governor Aurelio Oyie Umali Inter-Town Women’s Volleyball League kung saan kalahok ang 22 teams mula sa iba’t ibang bayan ng Nueva Ecija.
Isinagawa ang opening ceremony noong Oktubre 22, 2023 sa Nueva Ecija Coliseum sa Palayan City na pinangunahan ni Vice Governor Doc Anthony Umali, kasama sina Mayor Laly Belmonte ng Zaragoza at Mayor Trina Andres ng bayan ng Rizal.
Layunin ng liga na makatuklas ng mga kabataang magagaling sa larangan ng sports para maihanda sa mga national at international games.
Magkaroon ng magandang samahan ang bawat bayan at iba pang mga namumuno dito. Ilan sa mga positibong resulta ng torneyo ay ang mailayo sa masasamang bagay na pagkakabalahan ang mga kabataan, pagkakaroon ng ehersisyo at pagkakataong magkakila-kilala ang bawat manlalaro sa ibat ibang panig ng lalawigan.
Maglalaban-laban ang mga kalahok sa bawat distrito, single round robin at 3 teams by district ang papasok para sa prelims.
Ang magiging top 1 sa apat na distrito ang maglalaban sa finals. Mag-uuwi ng P100K ang champion team.
Hindi maisasakatuparan ang ganitong palakasan kung hindi sa gabay at suporta ni Governor Aurelio Umali na ipinagpapaslamat ng mga kalahok.
