HIGIT 700 PARTICIPANTS DUMAGSA SA 11TH GOVERNOR’S CUP SA NUEVA ECIJA COLISEUM
Mahigit 700 atleta ang dumagsa mula sa iba’t ibang lalawigan gaya ng Angeles City, Bulacan, Zambales, Pampanga at ilang kalapit na siyudad sa Free Registration ng 11th Governor’s Cup 2023 Championship na ginanap sa Nueva Ecija Coliseum noong nakaraang November 18, 2023.
500 sa mga participants ay mga Novo Ecijano.
Layunin ng kompetisyon na makatuklas ng mga kabataang may potensiyal at kakayahan na makipag kompetensiya hindi lamang sa lalawigan maging sa labas o international competition.
Ayon kay Johann Ocampo, Provincial Sports Officer, nagsimula ang Taekwondo sa Nueva Ecija noong August 4, 1995 sa pangunguna ng nakakatandang kapatid ni Governor Aurelio Umali.
Dahil dito marami na ang Taekwondo Chapter sa lalawigan na kabilang sa Philippine Taekwondo Association na recognized ng Philippine Sports Commission at ng Philippine Olympic Committee.
Bunga nito, karamihan sa mga dating players na kabataan noon ay mga ganap nang coach sa CLRAA at ang iba naman ay mga National Coach na.
Ang mga nagwagi ay nakatanggap ng medalya at Cash Prize mula kay Governor Umali, na ikinasiya ng mga participants lalo na ng mga kanilang mga magulang.
Tinanghal na Most Valuable Player sina Ruelester Santos Jr. at Micaella Mendoza para sa grade school advance category at Felicity Jana Castel para sa senior advance category.
