BABALA! SENSITIBONG BALITA
SABANA NG LAGIM: DAAN NG PANGANIB
Isang malawak na sabana ang dinaraanan mula sa Barangay Bagong Sikat patungong Villa Vicmudo sa San Jose City. Kilala ito ng nakararami bilang “Dulong Baryo” — isang tahimik at tila payapang daanan. Ngunit sa kabila ng katahimikan nito, bumabalot dito ang mga kuwento ng misteryo at panganib.
Ang kalsadang ito, na tila isang pangkaraniwang daanan sa umaga, ay nagiging sentro ng mga misteryosong pangyayari pagsapit ng dilim. Ako si Elmina Basanes, samahan ninyo akong tuklasin ang misteryo sa likod ng mga trahedyang bumabalot sa dulong bahagi ng barangay.
Sa loob ng maraming taon, naging saksi ang sabana na ito sa sunod-sunod na insidente ng karahasan at misteryosong pagkamatay. Isa na rito ang bangkay na natagpuan na nasa kalunos-lunos na kalagayan— Mga aksidente na nauuwi sa kamatayan.” “Sa bawat buhay na nawawala, isang bagong takot ang bumabalot sa mga residente. May ilan na sinasabing biktima ng aksidente, ngunit may iba na tila biktima ng mas madilim na krimen—mga palatandaang nagpapahiwatig na hindi lang ito basta simpleng trahedya.
Hanggang ngayon, nanatiling palaisipan ang sabana sa pagitan ng Bagong Sikat at Villa Vicmudo. Isa lamang ba itong serye ng hindi inaasahang pangyayari, o may mas malalim pang dahilan sa likod ng mga misteryosong aksidente at krimen?
Hanggang wala pang kasagutan, nananatili ang pangamba ng mga residente. Ang tanong: hangganan nga lang ba ito ng lugar, o pati na rin ng kanilang buhay?
