EPEKTO NG BAGONG POLISIYA NG U.S. SA NURSING PROGRAM, IKINABAHALA NG MAMBABATAS AT HEALTH GROUPS
Naglabas ng pangamba ang ilang opisyal at health groups matapos i-alis ng U.S. Department of Education ang nursing sa listahan ng mga kinikilalang “professional degree” programs na kwalipikado sa mataas na federal student loans.
Sa bagong panuntunan, ang dating limit na $50,000 per year para sa graduate nursing students ay magiging $20,500 per year na lamang. Ang lifetime loan cap na dating $200,000 ay magiging $100,000 na lang. Kasama rin sa pagbabago ang pag-alis ng Grad PLUS loans para sa mga bagong borrower.
Direktang apektado ng polisiya ang mga graduate nursing program tulad ng Master of Science in Nursing (MSN), Doctor of Nursing Practice (DNP) at nursing PhD, na nangangailangan ng mataas na matrikula at clinical training hours.
Ayon sa datos, noong 2022 ay 33% ng foreign-born registered nurses sa U.S. ay Pilipino, at noong 2024 naman ay 28,258 Filipino BSN graduates ang kumuha ng U.S. licensure exam.
Hiniling ni Bohol 3rd District Rep. Kristine Alexie Besas Tutor sa PRC, CHED, DFA, Department of Migrant Workers at DTI na pag-aralan ang epekto nito sa Filipino nurses na nasa abroad o nagbabalak mag-aral sa U.S. Sinabi rin niyang handa ang Kongreso na magbigay ng policy support at legislative action kung kakailanganin.
Dalawang nurse sa Nueva Ecija ang nagbigay ng pahayag ukol sa epekto ng loan changes sa U.S.
Nakatakdang ipatupad ang policy para sa student loans simula Hulyo 1, 2026, sa ilalim ng One Big Beautiful Bill Act (OBBBA), maliban kung magkaroon ng legal o congressional intervention.
