PAGPAPALAKAS NG EKONOMIYA NG CENTRAL LUZON, PRAYORIDAD NG MGA GOBERNADOR NG CENTRAL LUZON

Nagpulong ang Regional Development Council 3 (RDC3) sa Fourth Quarter 2025 Full Council Meeting upang ilatag ang mga pangunahing programa at project na magpapatibay sa socio-economic development ng Central Luzon at mag-aayos ng regional coordination.

Ayon kay RDC3 Chairperson at Zambales Governor Hermogenes E. Ebdane Jr., nakatuon ang pulong sa pag-align ng regional plans sa national goals at pagtakda ng development priorities para sa 2025–2026.

Dumalo rin sina Pampanga Governor Lilia Pineda, Nueva Ecija Governor Aurelio Umali, Bataan Governor Enrique Garcia III, PSR Elena Tesoro, Zambales 2nd District Rep. Bing Maniquiz, at Botolan Mayor Jun Omar Ebdane.

Tinalakay sa meeting ang Regional Project Monitoring Committee (RPMC) Work and Financial Plan for 2026 at ang pagdagdag ng National Intelligence Coordinating Agency Region 3 at Philippine Information Agency Region 3 bilang non-voting RPMC members para mapalakas ang coordination at information dissemination.

Kasama rin sa agenda ang Central Luzon Investment Program 2023–2028 Midterm Update, endorsement ng proposed Lazatin Flyover Project, suporta sa Pampanga River Basin Flood Control Master Plan, at DENR National Flood Management Master Plan.

Napag-usapan din ang mga legislative measures para sa flood resilience, wetland protection, at pag-improve ng quality of education sa rehiyon.

Hiningi rin ng council ang suporta para sa goals ng Central Luzon Regional Wearables and Homestyle Council at Central Luzon Regional Council for Creative Industries na layong palakasin ang creative economy at micro industries.