MGA PANUNTUNAN SA AYUDA PARA SA KAPOS ANG KITA PROGRAM O AKAP, MAS PINADALI NG DSWD

MGA PANUNTUNAN SA AYUDA PARA SA KAPOS ANG KITA PROGRAM O AKAP, MAS PINADALI NG DSWD

Mas pinadali ng Department of Social Welfare and Development ang mga guidelines o panuntunan sa Ayuda sa Kapos at Kita Program o AKAP para mas maabot ng mga benepisyaryo na kinabibilangan ng mga mababa ang kita at mga minimum wage earners o kumikita ng sakto lang ngunit hindi sumasapat sa pangangailangan dahil na rin sa pagtaas ng mga bilihin.

Sinabi ni DSWD Spokesperson Assistant Secretary Irene Dumlao na napirmahan na ni DSWD Secretary Rex Gatchalian ang mas pinasimple na guidelines at requirements sa ilalim ng Memorandum Circular No. 30 series of 2024 noong August 9 para mas maging sistematiko at accessible ang review at verification nito.

Narito ang ilang mga dokumentong kailangang maipasa ng mga mamamayang minimum wage earners o low-income earners ngunit nasa ilalim ng formal economy:

• Duly signed Contract of Employment
• Certificate of Employment with Compensation (COE)
• Income Tax Return (ITR) or BIR Form 2316
• Duly signed Audited Financial Statement, or a Certificate of Tax Exemption

Para naman sa mamamayang nasa ilalim ng informal economy:

• Certification from a direct employer
• Certification from government offices recognizing certain sectors or groups
• Association certification
• Business permit or barangay certification in case of small business

Kabilang sa mga tulong na alok sa ilalim ng AKAP ang medical assistance, funeral assistance, food assistance at cash relief.
Maaari rin itong ipatupad sa tulong ng LGUs bilang Rice Assistance na maaaring gamitin ng mga benepisyaryo na pambili ng bigas.