COMELEC, SINIGURO NA HINDI MADADAYA ANG BOTO SA BAGONG AUTOMATED COUNTING MACHINE
Siniguro ng Commission on Elections na hindi madadaya ang boto ng taong bayan sa biniling bago at modernong Automated Counting Machines o ACMs na gagamitin para sa 2025 National and Local Elections.
Sinabi ni Comelec chairperson George Edwin Garcia na bahagi ng budget allocation ang pagbili ng mga bagong VCM ay magiging mas transparent sa publiko.
Ang ACM ay may modernong features tulad ng malinis na lagayan para sa balota at malawak na touch screen monitor para sa madaling pagrepaso ng mga boto.
Mayroon din itong fool-proof receptacle para sa resibo pagkatapos makumpirma ng botante ang kanyang mga boto, hindi tulad noong mga nakaraang halalan kung saan ito ay ipinasok lamang sa isang dilaw na ballot box sa tabi ng makina.
Sa pamamagitan ng transparency feature na ito, ang mga political operator ay hindi hinihikayat na bumili ng mga boto dahil ipapakita nito kung paano pinipili ng mga botante ang kanilang mga kagustuhan nang hindi inilalantad ang kanilang mga pagkakakilanlan.
Patuloy rin isinasagawa ng COMELEC ang testing sa mga bagong ACM upang maipakita sa publiko ang kanilang kahandaan para gamitin ito sa nalalapit na halalan.
Samantala, ibinalita rin ng COMELEC na maaaring bumoto ang mga senior citizen, persons with disabilities at mga buntis mula alas-5:00 hanggang alas 7:00 ng umaga sa May 12, 2025 midterm national and local polls.
Sa kasalukuyan, mayroon nang 52 milyong rehistradong botante sa bansa. Binigyang-diin din ng COMELEC na walang extension ng pagpaparehistro na magtatapos sa Setyembre.
