Santo Papa, Nais Magkaroon ng AI Regulation
Hinimok ng Vatical Leader ang mga gobyerno at international groups na kumilos laban sa maling paggamit ng artificial intelligence (AI).
Sa isang mensahe bago ang World Day of Social Communications, nagbabala siya sa panganib ng AI sa mga tao.
Ayon kay Pope Leo XIV, may mga AI chatbot na dinisenyo para magtunog maalaga at mapagmalasakit.
Ilan sa mga Panganib Kapag Walang AI Regulation
Sinabi niya na maaaring maimpluwensyahan ng mga chatbot ang emosyon, isip, at desisyon ng users.
Dagdag pa niya, may panganib kapag nagkakaroon ng malakas na emosyonal na ugnayan ang tao sa AI.
Dahil dito, maaaring masira ang tunay na relasyon at personal na paglago ng isang tao.
Ipinaliwanag din ng Santo Papa na mas mahirap na ngayon tukuyin kung alin ang gawa ng tao o gawa ng AI online.
Dahil dito, mas madaling maimpluwensyahan ang opinyon at damdamin ng publiko nang hindi nila namamalayan.
Kaya naman, hinimok niya ang mga gobyerno at international groups na magpatupad ng AI regulation.
Aniya, dapat malinaw na may label ang lahat ng AI-generated content.
AI, Ituring Bilang Isang Tool, Hindi Kapwa Tao
Binigyang-diin din niya na hindi dapat ituring ang AI bilang totoong tao, at ito’y isang tool lamang.
Bukod dito, nagbabala rin siya na iilang malalaking kumpanya lang ang may kontrol sa AI development.
Ayon sa Santo Papa, maaari itong magbigay ng sobrang kapangyarihan sa impormasyon at asal ng tao.
Iginiit niya na mahalaga ang AI regulation upang maprotektahan ang pagkakakilanlan ng bawat isa.
