Inaasahang muling dadagsain ng mga turista ang Bato Ferry ngayong nalalapit ang panahon ng tag-init, lalo na sa Mahal na Araw kung kailan karaniwang napupuno ang lahat ng kubo sa lugar.
Ayon sa mga namamahala, tuwing Sabado at Linggo pa lamang ay kapansin-pansin na ang pagdami ng mga bisita dahil sa magandang tanawin at malinis na ilog.
Malaki ang naitutulong ng turismo sa kabuhayan ng mga residente, partikular sa mga bagong nagtayo ng tindahan na umaasang madaragdagan ang kanilang kita.
Sa halagang sampung piso para sa entrance at abot-kayang bayad sa kubo, patuloy na tinatangkilik ng mga pamilya ang lugar bilang alternatibong pasyalan.
May mga nakaatas ding sasalubong sa mga darating na bisita upang matiyak ang maayos na serbisyo.
Umaasa ang mga lokal na opisyal at residente na mas magiging masigla ang negosyo sa komunidad sa pagpasok ng peak season.
Inaanyayahan naman ang publiko na bumisita at maranasan and preskong tubig at likas na ganda ng Bato Ferry
Matatagpuan ang ilog ng Bato Ferry, sa Laur, Nueva Ecija
