Sa gitna ng standee issue sa Moalboal, Cebu, isang babae ang nagpakilalang live-in partner ng isa sa mga lalaking nag-viral.
Nakiusap siya na burahin na ang mga kumakalat na larawan online, dahil labis naapektuhan ang kanyang partner matapos ang insidente.
Iginiit niyang hindi nito alam na ipo-post ang larawan kahit na pinakiusapan pa raw ang katrabaho na huwag itong i-upload.
Unang ibinahagi ang mga larawan ng Threads user na si @dee_tabanag na ngayon ay naka-deactivate na, at mabilis na nag-viral.
Isa sa mga nagpost din ng larawan ang Circle of Stars page, kung saan nagpadala ng mensahe ang live-in partner.
Gayunpaman, patuloy pa rin ang pagre-repost ng ilang netizens, marami ang nagpahayag ng pagkadismaya, iginiit na ito ay kawalan ng respeto.
Makikitang ilang lalaki ang nagpose ng hindi angkop sa harap ng life-size standee ng Kapamilya actress na si Kathryn Bernardo.
Dahil dito, mabilis na nag-viral ang mga larawan, may nagsabing mahalagang mapag-usapan ang insidente upang magsilbing paalala hinggil sa respeto.
Sa kabila ng mensahe, hindi pa rin humuhupa ang usapin sa standee issue at patuloy ang diskusyon tungkol dito sa social media.
Para sa mga netizen, hindi ang standee ang tunay na problema, sa halip, ang asal umano ang mas malaking isyu.
Dagdag pa nila, ang pagtawag dito bilang biro ay hindi nag-aalis sa kahulugan at implikasyon ng kanilang mga naging kilos.
