Muling nagsagawa ng Surgical Caravan ang Pamahalaang Panlalawigan ng Nueva Ecija bilang bahagi ng tuloy-tuloy na programang pangkalusugan ng lalawigan. Layunin nitong matulungan ang mga pasyenteng nangangailangan ng operasyon ngunit may kakulangan sa pinansyal na kakayahan.
Ayon kay Dra. Lorelei Tello, sinasagot ng programa ang gastusin sa operasyon upang mabawasan ang pangamba ng mga pasyente sa malaking bayarin. Iba’t ibang ospital sa ilalim ng Pamahalaang Panlalawigan ang nagsisilbing venue ng caravan upang mas mailapit ang serbisyo sa mga komunidad, kabilang ang Bongabon District Hospital.
SURGICAL CARAVAN NG PAMAHALAANG PANLALAWIGAN, TUGON SA MGA NOVO ECIJANO NA KAPOS SA BUDGET
Si Rosenda Balmediano, 65-anyos, mula sa Barangay Magtanggol, Bongabon, Nueva Ecija, ay isa lamang sa mga naging benepisyaryo ng Seruhano ng Alagang Umali. Si Balmediano ay naoperahan sa bato sa apdo. Pero, isang taon muna ng pagtitiis ang kanyang pinalipas bago tuluyang maipa-opera ang kanyang iniindang sakit. Dahil umano sa kakulangan sa pinansyal kung kaya hindi sya kaagad na nakapagpaopera. Mabuti na lamang aniya at may programang ganito amg Pamahalaang Panlalawigan.
Patunay ang programang ito na prayoridad ng pamahalaan ang pagbibigay ng accessible at abot-kayang serbisyong medikal para sa lahat, isang konkretong hakbang tungo sa mas malusog na Nueva Ecija.
