Dinadagsa ngayon ng mga motorcycle rider sa Cabanatuan City ang isang helmet cleaning vendo machine na nag-aalok ng mabilis at abot-kayang paglilinis ng helmet.
Sa halagang P25, nalilinis at napapabango ang helmet sa loob lamang ng tatlong minuto gamit ang kombinasyon ng air dry, fogging process, at UVC sterilization.
Ayon sa mga rider, malaking tulong ang naturang makina upang maalis ang matagal nang amoy at bacteria na naiipon sa helmet dahil sa araw-araw na paggamit.
HELMET CLEANING VENDO, DINARAYO NG MGA RIDER SA CABANATUAN
Bukod sa pagiging mura, pinupuri rin ito at nirerekomenda ni Tullao dahil sa mabilis at convenient na serbisyo para sa mga nagmamadaling motorista.
Dahil dito, patuloy itong pinipilahan at nagiging patok sa riding community sa lungsod.
Umaasa naman ang ilang rider na mas marami pang ganitong serbisyo ang ilalagay sa iba’t ibang lugar.
