Patok ngayon sa mga food lovers sa Cabanatuan ang kakaibang street food na Street Birria na nag-aalok ng kombinasyon ng Mexican at Kapampangan flavors.
Itinatag ng mag-asawang sina Romeo at Perla Gines ang negosyo upang ipakilala sa mga lokal ang authentic MEXICAN-KAPAMPANGAN BIRRIA TACOS na inangkop sa panlasang Pilipino.
Tampok sa kanilang menu ang buy-one-take-one birria tacos na nagkakahalaga ng P149 na agad tinangkilik dahil sa crispy, juicy at cheesy nitong lasa.
Bukod sa tacos, nag-aalok din sila ng rice at salad meals na nagsisimula sa halagang P89.
MEXICAN-KAPAMPANGAN BIRRIA TACOS, PATOK NA STREET FOOD SA CABANATUAN
Ayon sa mga may-ari, tinitiyak nila ang kalidad ng kanilang pagkain sa pamamagitan ng paggamit ng sariwang sangkap mula sa kanilang franchisor at sa mga lokal na magsasaka ng Nueva Ecija.
Matatagpuan ang kanilang food cart sa Del Pilar Street habang ang isa naman ay umiikot sa Zulueta at Kapitan Pepe sa iba’t ibang oras ng araw.
Dahil sa kakaibang timpla at abot-kayang presyo, patuloy na dinadayo ng mga mamimili ang Street Birria bilang bagong paboritong street food sa lungsod.
Available rin ang Street Birria ng Cabanatuan sa mga food app gaya ng Food Panda. Available rin sa mga local deliveries kagaya ng YALLA, Cabsy at GV express. Rolling naman ang Street Birria ng Cabanatuan simula alas-10:00 ng umaga hanggang alas-9:00 ng gabi.
