Magpapatupad ng mas mahigpit na limitasyon ang Philippine National Police o PNP sa paggamit ng artificial intelligence o AI use.
Nagbabala rin ang PNP sa publiko laban sa paggawa ng mga mapanlinlang na deepfake videos online.
Ayon kay PNP Chief Gen. Jose Melencio Nartatez Jr., banta ang deepfakes sa integridad ng organisasyon.
Sinabi niyang ang mga deepfake ay dinisenyong manipulahin ang public opinion at linlangin ang mamamayan.
Hindi papayagan ng PNP ang paggamit ng teknolohiya para bastusin ang uniporme o sirain ang reputasyon.
Nilinaw ng PNP na hindi ganap na ipinagbabawal ang AI tools ngunit ito ay mahigpit na kinokontrol.
Ipinagbawal ang paggamit ng AI para sa “clout-chasing” content na maaaring makasira sa imahe ng ahensya.
Sakop ng PNP Memorandum Circular No. 2024-077 ang social media content ng mga tauhan.
Tanging police community relations personnel o may pahintulot ng Directorate for Police Community Relations ang puwedeng mag-content na naka-uniporme.
Pinapayagan ang ibang pulis na gumawa ng content habang off duty ngunit bawal gumamit ng uniporme.
Hindi rin maaaring gumamit ng police equipment at facilities sa paggawa ng personal content.
Ipinagbabawal ang livestreaming o vlogging ng official events, camps, at offices sa personal accounts.
Ayon sa PNP, ito ay para sa seguridad ng operasyon at impormasyon.
Nauna nang nagbabala ang PNP Anti-Cybercrime Group tungkol sa AI-generated videos na nagpapakita ng maling asal ng pulis.
Patuloy na mino-monitor ng PNP-ACG ang online platforms upang matukoy at maalis ang misleading content.
