Makikita sa OCTA survey 2026 na nanguna ang Robredo–Tulfo tandem sa hypothetical 2028 presidential survey.
Nakakuha sina Leni Robredo at Raffy Tulfo ng 45% na suporta sa naturang survey.
Samantala, nakakuha naman sina Sara Duterte at Imee Marcos ng 42% na suporta.
Tatlong percentage points ang pagitan ng dalawang tandem sa pambansang resulta.
Gayunman, pasok sa ±3% margin of error ang agwat ng dalawang tambalan.
Dahil dito, itinuturing na statistical toss-up ang resulta batay sa naturang margin of error.
May 8% naman ng respondents ang nagsabing wala silang pipiliin sa dalawang tandem.
Apat na porsyento ang hindi alam o hindi makapagpasya, habang 1% ang tumangging sumagot.
Sa regional breakdown, nanguna ang Robredo–Tulfo sa NCR, na nakakuha ng 56% na suporta.
Gayunman, bumaba ito ng limang puntos mula sa 61% na naitala noong Q1 2026.
Nakakuha naman ang Duterte–Marcos ng 22% sa NCR, mula sa dating 23%.
OCTA SURVEY 2026, IPINAKITANG LAMANG ANG ROBREDO–TULFO SA PAMBANSANG SURVEY
Sa Balance Luzon, umangat ang Robredo–Tulfo sa 61% mula sa 57% noong nakaraang quarter.
Nanatili naman sa 23% ang Duterte–Marcos sa naturang bahagi ng Luzon.
Sa Visayas, nagtabla ang dalawang tandem matapos kapwa makakuha ng 45% na suporta.
Bumaba ng tatlong puntos ang Robredo–Tulfo mula sa 48% noong Q1 2026.
Samantala, tumaas ng limang puntos ang Duterte–Marcos mula sa dating 40%.
Sa Mindanao, nanatiling malaki ang lamang ng Duterte–Marcos matapos umabot sa 90% ang suporta.
Tumaas ito ng apat na puntos mula sa 86% na naitala noong unang quarter.
Samantala, nanatili sa 5% ang Robredo–Tulfo sa Mindanao.
Batay rin sa regional at class breakdown, mas mataas ang suporta sa Robredo–Tulfo mula sa Class ABC at Class D.
Habang, nanguna ang Duterte–Marcos sa Class E, kung saan umabot sa 53% ang suporta.
Isinagawa ang Tugon ng Masa survey noong Hulyo 4 hanggang 11, 2026, sa 1,200 adult Filipinos.
Mayroon itong ±3% margin of error, ayon sa inilabas na survey information.
Nilinaw ng OCTA Research na hypothetical preference measure lamang ang resulta.
Hindi rin ito dapat ituring na prediksyon sa magiging resulta ng 2028 presidential elections.
