ANAK NG NAMAYAPANG PASTOR, PATULOY NA NANAMPALATAYA SA PANGINOON
Pinatunayan ng isang anak ng Pastor na sa kabila ng mga pagsubok sa buhay, ay dapat patuloy lang sa pananampalatay Sa Panginoon.
Ibinahagi ni Japhet Paluay ang kanyang mga karanasan bilang anak ng isang namayapang Pastor sa programang Count Your Blessings nina Former Governor Czarina ‘Cherry’ Domingo-Umali at Dra. Kit de Guzman.
Bilang anak ng Pastor, bata pa lamang ay na lagi nang nagtutungo sa simbahan at mga bible study si Japhet bilang taga-kanta kasama ng kanyang ama na siya namang tumutugtog ng gitara.
Ayon kay Japhet, panganay siya sa apat na magkakapatid kaya malaking responsibilidad ang naiwan sa kanyang noong pumanaw ang kanyang ama.
Noong ika-13 ng Nobyembre taong 2020 umano nawala ang kanyang ama, kung kailan kasagsagan ng bagyo at natumba ang mga puno sa harapan ng kanilang simbahan kaya nilinis ito ng kanyang ama hanggang sa sumikip ang dibdib nito dulot ng pagod.
Sa tulong nilang magkakapatid, ay ipinagpapatuloy ng kanyang ina ang nga gawain na natutunan nilang gawin dahil sa pagkawala ng kanyang ama na Head Pastor sa kanilang simbahan.
Sa kasalukuyan, ay hindi aniya nakikita ang kanyang sarili bilang Pastor kaya tumutulong siya ngayon sa kanilang simbahan financially, dahil sila ay independent church na walang sumusuporta at natatanggap na allowance buwan buwan.
Samantala, ang kanyang kapatid ang nagtuloy sa tungkulin ng kanyang ama bilang Pastor.
