CLLEX PHASE 1, TARGET BUKSAN SA JANUARY 2024
Titiyakin umano ng DPWH-UPMO na matatapos ngayong taon ang problema sa packages 3 and 4 ng CLLEX Phase 1 upang mabuksan na ito next year.
Kabilang sa sanhi ng pagka-delay ng CLLEX ang compensation of the right of way ng private owners na hanggang ngayon simula nang gawin ang project ay hindi pa nababayaran ng buo ang higit kumulang 133 lot owners.
Kontra ito sa provisions of RA 10752 na bago simulan ang project, dapat na naayos ang right of way.
Ayon kay Project Director Benjamin Bautista, patuloy ang ginagawa nilang legal na mga hakbang at pakikipag-ugnayan sa mga may-ari ng lupa sa Aliaga upang ayusin ng mga ito ang kanilang mga kaukulang dokumento para mabayaran na ng DPWH ang kanilang lupain na nadaanan ng CLLEX.
Ngunit kung hindi pa rin magkasundo ang kanilang ahensya at lot owners ay mapipilitan na silang gumamit ng military and police enforcement.
Samantala, sa panayam ng TV48 sa DPWH-UPMO nakumpirma na mayroon silang proposed reconfiguration sa exit ng CLLEX phase 1 sa Cabanatuan City.
Nagkaroon na umano sila ng inisyal na pakikipag-usap sa city government of Cabanatuan tungkol dito.
Base sa original plan, ang exit ay dapat sa Maharlika Highway kung saan mayroong diumano’y problema sa mahigit kumulang 25 informal settlers.
Makikita sa proposed reconfiguration na magkakaroon ng additional bridge para ma-idugtong ang exit ng CLLEX phase 1 sa Emilio Vergara Highway Phase 4.
Napag-alaman naman mula sa mga engineers ng city government na on-going ang mga pagawaing-tulay sa Cabanatuan na planong idugtong sa CLLEX.
Ang tanong: Kung approved in principle na ang proposed reconfiguration na gagawin ng DPWH at city government ng Cabantuan, ibig sabihin ba nito ay itutuloy ang paglihis ng exit ng CLLEX Phase 1 sa Vergara Highway kahit hindi pa dumaan sa tamang proseso?
At kulang pa sa requirements na ayon sa batas para maipatupad ang planong ito?
