DATING SOCIAL WORKER, FULL TIME PASTOR NA
Paglilingkod Sa Panginoon at sa kapwa ang pangunahing serbisyo ng isang Pastor na dating pumasok sa iba’t-ibang trabaho katulad ng pagiging Social Worker.
Ibinahagi ni Pastor Dennis Ke ang kanyang mga karanasan bago tuluyang naging full time Pastor sa programang Count Your Blessings nina Former Governor Czarina ‘Cherry’ Domingo-Umali at Dra. Kit de Guzman.
Kaugnay ng pagiging lingkod Ng Panginoon, ay nagsilbi rin si Pastor Dennis sa kanyang kapwa bilang isang Licensed Social Worker na tumutulong upang maisaayos ang buhay ng mga mamamayan.
Ayon kay Pastor, ang kanyang Ina ang nagsimulang makakilala Sa Diyos at kasama ng kanyang mga kapatid ay palagi umano silang pinagdarasal nito.
Dagdag pa ni Pastor Dennis, noong simula ay hindi rin niya inasahan na siya ay nakatakdang maging Pastor, ngunit sa pamamagitan ng kanyang nakababatang kapatid, ay napalapit siya Sa Panginoon.
Naging aktibo rin umano siya sa simbahan dahil napalibutan siya ng mga tao na malapit din Sa Panginoon, at nagsimula siya sa pagiging Assistant Pastor, kung saan doon ay palagi na niyang naririnig ang salita Ng Diyos na naging dahilan upang siya’y mas lalong mapalapit dito.
Sa kasalukuyan, ay labis na nagpapasalamat si Pastor Dennis sa Diyos dahil ito ang gumabay sa kanya at ikinatutuwa rin niya na makakita ng mga tao na nababago ang buhay matapos makilala Ang Panginoon.
