Patuloy na pinatutunayan ng Edna’s Cakeland ang tibay at kalidad nito bilang isang homegrown bakery na minahal ng mga Pilipino sa loob ng maraming taon. Mula sa pagiging isang maliit na panaderya, at unti-unting lumago na ngayon ay mayroon na silang 11-branches na matatagpuan sa Cabanatuan City at Pampanga.
Ayon kay Jayson Arenas, Human Resource ng Edna’s Cakeland, mahalaga sa kanila ang tamang timpla ng lasa at hindi labis ang tamis, upang maging mas angkop sa panlasa ng mga health-conscious na customer.
Patuloy na dinarayo ng mga mamimili ang Edna’s Cakeland dahil sa lawak ng pagpipilian nitong cakes na nagre-range lamang mula P350 hanggang P1,000 depende sa laki; P55 naman hanggang P420 ang kanilang iba’t ibang klase ng pastries, at baked goods na swak sa panlasa ng lahat. Tampok sa kanilang mga tindahan ang maayos na food displays ng brownies na mabibili sa halagang P55 per bar; P360 naman ang per box ng cheese rolls; P420 per box ng kanilang yema roll ube roll mix; P180 naman ang bawat pack ng kanilang spanish roll; P310 sa bawat box ng mamon taisan; at iba’t ibang specialty cakes na abot-kaya ang presyo.
Dagdag pa rito, patok din ang kanilang All-Day Breakfast at ready-to-go meals, na nagbibigay-ginhawa sa mga abalang customer. Ayon kay Arenas, mahalaga ang consistency ng lasa, kalidad ng produkto, at kalinisan ng tindahan, kasabay ng malaking papel na ginagampanan ng magiliw at maaasahang staff sa pagbibigay ng positibong karanasan sa bawat customer.
Usap-usap ngayon sa social media at paborito ng mga suki ang bagong handog ng Edna’s Cakeland na Pistachio Royale Chocolate Kataifi Cake, na pinagsasama ang rich chocolate at malinamnam na pistachio sauce, na swak sa iba’t ibang okasyon.
Sa pangunguna ng may-ari na si Gng. Edna Gonzales, patuloy na nagiging bahagi ng mga selebrasyon ng maraming Pilipino ang kanilang mga produkto gaya ng Ube Blush, Strawberry Shortcake, at Double Chocolate Cake.
Sa patuloy na paglago ng Edna’s Cakeland, nananatili ang layunin nitong maging kaagapay ng bawat pamilyang Pilipino, mula sa simpleng araw-araw na kainan hanggang sa mahahalagang selebrasyon. Sa kombinasyon ng masarap na produkto, maayos na serbisyo, at pusong Pilipino, patuloy nitong pinapatibay ang lugar nito sa puso at mesa ng mga mamimili.
