HALOS 2,000 NA TAMBUTSO, DINUROG NG NUEVA ECIJA PROVINCIAL POLICE OFFICE
Pinadaanan ng pison sa Burgos Ave., Cabanatuan City nitong nakaraang February 6, 2025 at napiyot ang 1,927 na kinumpiskang unauthorized exhaust pipes (mufflers) o tambutso ng Nueva Ecija Provincial Police Office (NEPPO).
Hakbang ito ng kapulisan sa pamumuno ni PCol. Ferdinand Germino, NE Police Director, alinsunod sa Republic Act No. 4136 (Land Transportation and Traffic Code) at mga kaugnay o relevant local ordinances upang solusyunan ang problema sa noise pollution o ingay, public disturbance and traffic regulations.
Ang nasabing aktibidad ay patunay umano ng commitment ng NEPPO na panatilihin kapayapaan at kaayusan sa mga komunidad, at tugunan ang reklamo ng mga mamamayan tungkol sa mga kaguluhan sa kalsada.