HIGIT 12,000 PULIS, RERESPONDE PARA SA LIGTAS UNDAS 2025 HANGGANG NOVEMBER 5

HIGIT 12,000 PULIS, RERESPONDE PARA SA LIGTAS UNDAS 2025 HANGGANG NOVEMBER 5

Nag-deploy ng higit 12,000 police officers, augmentation units, at community volunteers sa buong Central Luzon upang tiyakin ang public safety sa paggunita ng All Saints’ at All Souls’ Days.

Ayon kay Police Regional Office 3 director Ponce Rogelio I. Peñones Jr., mahigit 3,000 personnel ang itinalaga sa mga sementeryo, simbahan, transport terminals, tourist spots, at iba pang public areas na sinimulan noong October 29.

Alinsunod sa PNP’s Enhanced Managing Police Operations strategy na nakatuon sa crowd control at public safety sa mga malalaking pagtitipon at aktibidad.

Inatasan din ang mga provincial at city police directors na direktang mangasiwa sa mga security at traffic operations.

Lalong palalakasin ang deployment ng mahigit 1,000 personnel mula sa Armed Forces of the Philippines (AFP), Bureau of Fire Protection (BFP), at Philippine Coast Guard (PCG).

Suportado rin ito ng humigit-kumulang 7,600 force multipliers gaya ng mga barangay tanod, civic groups, at mga non-government volunteers.

Magkakaroon ng mga pulis sa 664 sementeryo at memorial parks, 139 motorists’ assistance centers, 611 police assistance desks, at iba pang key convergence points sa rehiyon.

Kaya sigurado umano ang mapayapa at maayos na pagdiriwang ng Undas 2025, bilang bahagi ng tungkulin ng kapulisan na protektahan at serbisyuhan ang publiko.

Magpapatuloy ang security at emergency response operations para sa Undas hanggang Nobyembre 5.