Higit ₱2.2M na Shabu Nakumpiska ng mga Pulis sa Central Luzon

BABALA! SENSITIBONG BALITA:
Higit ₱2.2M na Shabu Nakumpiska ng mga Pulis sa Central Luzon

Arestado ang ilang High-Value Individuals (HVIs) at nasamsam umano sa kanila ang mahigit ₱2.2 milyon na hinihinalang shabu sa magkakahiwalay na anti-illegal drug operations sa Central Luzon mula hatinggabi ng Nobyembre 12 hanggang madaling-araw ng Nobyembre 13, 2025.

Sa Talavera, Nueva Ecija, dalawang HVI ang nadakip sa isang buy-bust operation kung saan nakumpiska ang 75 grams ng pinagsususpetsahang shabu na tinatayang nasa ₱510,000 ang halaga.

Sa Balanga City, Bataan, naharang naman ang isang bagong HVI na nagdala ng 200 grams ng hinihinalang shabu na nagkakahalaga ng ₱1,360,000.

Sa Sto. Domingo, Nueva Ecija, isa pang HVI ang inaresto, na nagresulta sa pagkarekober ng 50 grams ng pinagsususpetsahang shabu na may halagang ₱340,000.

Pinuri ni RD (Regional Director) PBGEN (Police Brigadier General) Ponce Rogelio I. Peñones Jr. ang lahat ng operating units dahil sa mabilis at koordinadong operasyon.