MGA SANHI NG PAGKARUPOK NG MGA KUKO AT PAANO ITO MAPANGANGALAGAAN

MGA SANHI NG PAGKARUPOK NG MGA KUKO AT PAANO ITO MAPANGANGALAGAAN

Hi mga Mars! I’m Star Rodriguez-Piccio for our Beauty, Health at iba pang tips. Ating pag-usapan ngayon ang mga sanhi ng pagkarupok ng mga kuko at paano ito mapangangalagaan.

Pagtanda at mababang nutrisyon ang kadalasang sanhi ng pagkatuyo, pagkanipis at pagkaputol ng mga kuko.

Ang ganitong uri ng suliranin ay hindi kailangang tiisin.

Tamang pangangalaga lamang ang kailangan upang mapanatiling matibay ang mga kuko.

Ating alamin sa ating episode ngayong araw ang mga sanhi ng pagkarupok at mga pamamaraan sa pangangalaga ng mga kuko batay sa pagsusuri ni Dr. Poonam Sachdev, isang pediatrician.

Una, too much moisture o labis na pagkabasa.
Kung ang mga kamay ay madalas na nasa tubig, lalo na kung gumagamit ng mga matatapang na sabon, magdudulot ito ng pagkatuyo, pagkalambot at pagtuklap ng mga kuko.

Pangalawa, Edad. Habang tumatanda, ang mga kuko ay maaaring matuyo at mas mabagal humaba.
Ang mga kuko sa paa ay kadalasang kumakapal at tumitigas habang ang mga kuko sa kamay ay numinipis at mas madaling mabali.

Ikatlo, Raynaud’s Syndrome.
Pinahihirapan nito ang mga kuko na magkaroon ng kung ano ang kailangan upang manatili itong malusog.
At ang pagkarupok ng kuko ay karaniwang sintomas ng Raynaud’s syndrome.

Ikaapat, Gamutan sa Kanser.
Maaaring epekto ng ilang gamutan sa kanser tulad ng chemotherapy ang pagkakaroon ng marupok na kuko.
Karaniwan dito ang tuyong kuko at balat.
Kaya’t ang mga kuko ay maaaring numipis, madaling masira, at mas mabagal humaba.

At ikalima, Kakulangan sa Nutrisyon.
maaaring sanhi ng pagkarupok ng kuko ang kakulangan sa bitamina at mineral na kinakailangan ng katawan.
Halimbawa, mababang lebel ng calcium (hypocalcemia) ay maaaring magdulot ng pagkarupok ng mga kuko.

Narito naman ang ilang mga pamamaraan upang mapangalagaan ang mga kuko.

Dapat na magsuot ng guwantes.
Isa sa madaling paraan upang maprotektahan ang mga kuko mula sa labis na pagkabasa o matapang na sabon ay ang paglalagay ng guwantes.

Gayundin, iwasan ang paggamit ng artipisyal na kuko.
Maaaring mapinsala ang mga kuko sa pagdikit ng mga artipisyal o acrylic na kuko.
Kinakailangang iwasan ang ganitong uri ng beauty routine kung ang mga kuko ay marurupok.

Kaakibat nito, panatilihing maikli ang mga kuko.
Makatutulong na maiwasan at maalis ang mga hindi kaaya-aya sa kuko,
ang regular na paggupit nito.

At ang isa pang paraan ay ang pagpahid ng lotion.
Ang lotion na may alpha-hydroxy acids o lanolin ay maaaring makatulong upang maiwasan ang pagkarupok ng mga kuko.

Mahirap gumalaw kung ang mga kuko ay marurupok lalo na kung kamay ang gamit sa pagtatrabaho.

Kilatising mabuti ang mga kuko kung malusog pa ba o baka nama’y marurupok na.
Kaya naman huwag hayaang masira ang mga ito.