MGA TAGA NUEVA ECIJA NA NAGBEBENTA NG ILIGAL NA PATABA, NADAKIP SA NUEVA VIZCAYA

MGA TAGA NUEVA ECIJA NA NAGBEBENTA NG ILIGAL NA PATABA, NADAKIP SA NUEVA VIZCAYA

Naaresto sa joint entrapment operation ng Fertilizer and Pesticide Authority (FPA), Criminal Investigation and Detection Group (CIDG), at Aritao Municipal Police ang tatlong nagbebenta ng unregistered fertilizers at agricultural growth hormones.

Kinilala ang mga suspek na sina Jemuel, 34-year-old; Aiza, trentay sais anyos; at Fernando, edad kwarentay singko, na lahat ay mga residente ng Guimba, Nueva Ecija.

Base sa press release ng Department of Agriculture nitong September 14, 2025, isinagawa ang operation noong August 13 sa Aritao, Nueva Vizcaya.

Kasunod ito ng mga ulat na may nagtitinda ng illegal agricultural products na walang awtorisasyon ng FPA.

Tinataya umanong nagkakahalaga ng P475,000 ang unregistered fertilizers at growth enhancers na nakumpiska ng mga awtoridad sa tatlong suspek.

Kabilang ang 40 bottles ng 250-milliliter Morbunga vitamin fertilizer, walumpong bote ng 250-milliliter Kill, 24 bottles ng 500-milliliter Berde Super Growth Hormones, at walumpong bote 250-milliliter Long Death.