SENSITIBONG BALITA
MOST WANTED SA DAVAO DE ORO, TIKLO SA NUEVA ECIJA
Kulong ang tinaguriang Most Wanted Person sa Davao de Oro sa isinagawang operation ng Intel and Warrant Operatives ng San Jose City Police, katuwang ang 2nd PMFC (Police Mobile Patrol Force) ng Nueva Ecija Police.
Kinilala ang akusado na si Jemar Umbahin Edim, alias Jemar Edem, 37 years old, single, tubong Pantukan, Davao De Oro at naninirahan sa Rafael Rueda, San Jose City, Nueva Ecija.
Base sa report ng pulisya, November 4, 2023 nang ihain kay Edim ang Warrant of Arrest na may petsang September 2, 2022 na inisyu ni Judge Celestial Verde Aranda-Gonzales ng Regional Trial Court, Branch 57, Mabini, Davao De Oro para sa kasong Murder.
Walang inirekomendang pyansa para sa pansamantalang kalayaan ng akusado.
