BABALA! SENSITIBONG BALITA:
Nakuhanan ng CCTV footage ng Barangay Bantug Norte ang naganap na salpukan ng motorsiklo at kolong-kolong sa kahabaan ng Nueva Ecija- Maria Aurora Road noong January 8, 2024 kung saan napatay ang dalawang kabataan.
Kinilala ang driver ng Barako Kawasaki with kolong-kolong na si Francis Magos Sr., residente ng Bantug Norte, habang ang dalawang biktima na sakay ng Honda Click ay pawang mga binatilyo na edad katorse at disi siete anyos na parehong taga Villa Ofelia sa lungsod din ng Cabanatuan.
Ayon sa impormasyong nakalap ng TV48, 12:47 ng madaling araw nang kapwa mag-overtake ang dalawang sasakyan na magka salubong sa magkabilang linya ng kalsada.
Pareho umanong lasing ang magkabilang panig. Sa CCTV footage ay makikitang may tumutugis na isa pang motor sa dalawang kabataan kaya matulin ang takbo ng mga ito. Samantalang si Francis na nagmamaneho ng kolong-kolong ay napag-alamang pauwi na ng bahay nang maganap ang aksidente.
