PALARONG KAPITOLYO 2023 NG NUEVA ECIJA, MULING BINUKSAN MATAPOS ANG PANDEMYA
Matapos ang naranasang pandemya, pinangunahan ni Provincial Administrator Atty. Alejandro Abesamis ang pagbubukas ng Palarong Kapitolyo 2023 na ginanap sa Nueva Ecija Sports Coliseum noong November 23, 2023.
Ang Palarong Kapitolyo ay isang taunang pagdiriwang ng palakasan na ginawa upang pasiglahin ang pakikipagkaibigan at isulong ang malusog na pamumuhay sa mga empleyado ng kapitolyo ng probinsiya.
Layunin nito ang natatanging pagkakataon para sa mga empleyado na ipakita ang kanilang husay sa palakasan, paigtingin ang pagkakaibigan at pagkakaisa ng bawat departamento ng kapitolyo.
Umabot sa walong koponan ang nabuo para sa mga maglalaro ng Basketball Men at 7 team naman sa Volleyball Women, Individual Competition para sa Table Tennis at Chess.
Malaking pasasalamat ni Johann Ocampo, hepe ng Provincial Sports and Youth Development Office kay Governor Aurelio Umali at sa Sanguniang Panlalawigan Kay Vice Governor Doc Anthony Umali na pagkatapos ng naranasang pandemya ay natuloy din ang palaro ng kapitolyo na kinasasabikan ng mga manlalaro.
Umabot sa walong koponan ang nabuo para sa mga maglalaro ng Basketball Men, pitong team naman sa Volleyball Women, Individual Competition para sa Table Tennis at Chess.
Champion sa basketball men ang Team ni Vice Gov. Doc Anthony, 1st Runner-up ang PEO, 2ND Runner-up ang PGSO at 3rd runner-up naman ang Team Governor’s Office na may kasamang cash prize na P10K, P5K, P3K, at P2K ayon sa pagkakasunod.
Sa Volleyball women, tinanghal na kampeon ang Team ng PHO at NEDTRC, 1ST Runner-up ang PGSO na binubuo ng 8 departamento, 2nd runner-up ang Governor’s Office at 3rd runner-up naman ang Sanguniang Panlalawigan na may kasamang ring cash prize na P10K, P5K, P3K, at P2K sa pagkakasunod.
