PARAAN PARA GAMUTIN ANG MIGRAINE, GAMIT ANG NATURAL REMEDIES
Hello mga Mars, I’m Star Rodriguez – Piccio for Beauty, Health at iba pang tips.
Ating pag-usapan ngayon kung Paano gamutin ang Migraine sa pamamagitan ng mga Natural Remedies.
Madalas din bang sumakit ang ulo mo?
Kung oo, para sa’yo ang tips na ito.
Ang migraine ay isang neurological condition at isang uri ng pananakit ng ulo na maaaring sanhi ng pagduduwal, pagiging sensitibo sa ilaw at liwanag. Ayon sa isang pag-aaral sa migraine noong taong 2016, nasa labindalawang milyong Pilipino ang dumaranas nito na nagiging sagabal sa pagiging produktibo nila sa pagtatrabaho.
May apat na uri ng migraine ayon sa health forum ni Doc Atoie Arboleda, isang doktor sa larangan ng medisina:
Una, TENSION HEADACHE kung saan nakakaramdam ng tension ang isang tao na nagdudulot ng pag-sakit ng ulo nito
Pangalawa, SINUS HEADACHE na nagsisimula naman sa sinus area
Pangatlo, CLUSTER HEADACHE o ang biglaang pagsakit ng ulo
at pang-apat, HYPERTENSION HEADACHE o ang pagtaas ng presyon.
Ang mga uri na ito ay maaaring maiwasan sa pamamagitan ng pagsunod sa mga natural remedies health tips ni Doc Atoie Arboleda.
Una, ASIN
Ginagawa ang paglalagay ng asin sa ilalim ng dila sa unang sign ng pananakit ng ulo. Sa ganitong pamamaraan, maiiwasang magtuloy ang sakit na nararamdaman dahil minsan ang migraine ay sanhi ng mababang sodium level sa ating katawan. Mas mainam din na ang gamiting asin ay ang Himalayan salt.
Pangalawa, LAVANDER OIL
Pagmamasahe sa sintido gamit ang limang patak ng Lavander oil o paglanghap sa aroma nito mula sa mangkok na may maligamgam na tubig sa loob ng labinlimang minuto. Ang lavender kasi ay nagtataglay ng natural compounds na nakapag-aalis ng stress at tension.
Pangatlo, LUYA
Ihalo sa mainit o maligamgam na tubig ang kalahating kutsarita ng luya.
Nakatutulong ito upang pigilan ang pagduduwal at disorientation ng pagsakit ng ulo sa umpisa pa lamang ng pag-atake ng migraine.
Pang-apat, BLACK COFFEE
Sa pamamagitan ng pag-inom nito, napapasikip ang mga blood vessels na nakatutulong upang mabawasan ang sakit ng ulo, ngunit hindi inirerekomenda ang pag-inom nito palagi,
sapagkat maaaring magkaroon ng masamang epekto sa withdrawal.
Pang-lima, CELERY
Maaaring gumawa ng juice mula sa limang stalk ng celery. Ito ay maaaring i-food processor, i-blender o kaya naman ay dikdikin at pagkatapos ay pigain. Nakatutulong ito hindi lamang sa migraine kundi pati na rin sa monthly perios ng mga babae.
Pang-anim, MAGRELAX
Kadalasan ang migraine na nararamdaman ng isang tao ay dulot ng stress at anxiety. Sa pamamagitan ng pagrerelax ay humuhupa o nababawasan ang pagsakit ng ulo na ating nararamdaman.
Pang-pito. BELL PEPPER at BUTO NG KALABASA
Ang pagkain ng bell pepper at buto ng kalabasa sa loob ng isang araw ay nakatutulong upang maiwasan Ang hormonal migraines dahil mayaman ito sa Vitamin C at Magnesium.
Kaya rin nitong balansehin ang estrogen level sa panahon ng monthly period ng mga babae.
Isang paalala lamang, hindi lahat ng pagsakit ng ulo ay matatawag na magraine.
Kadalasan, ito ay nangyayari dahil sa kakulangan ng tubig sa ating katawan.
Tandaan, may 70% ng tubig ang ating utak kaya kung nakakaramdam ka nang pananakit ng ulo,
aba’y uminom ka na!
