PBBM AT HOUSE SPEAKER ROMUALDEZ, NAKAKUHA NG MATAAS NA TRUST AT APPROVAL RATINGS

Kabilang sina Pangulong Ferdinand Marcos Jr. at House Speaker Martin Romualdez sa mga opisyal ng gobyerno na nakakuha ng mataas na trust at approval rating sa inilabas na “Boses ng Bayan” nationwide survey ng RP-Mission and Development Foundation Inc. (RPMD).

Nakakuha si President Marcos ng 79% trust at approval ratings na 76%, habang nakamit naman ni Romualdez ang 75% trust ratings at 72% na approval ratings.

Nakatanggap din ng papuri ang House of Representatives sa ilalim ng pamumuno ni Romualdez, matapos makakuha ng 78% trust at 75% job satisfaction ratings.

Maliban kay PBBM at Romualdez, nakakuha rin ng 77% trust at 74% approval ratings si Vice President Sara Duterte, habang 73% trust at 70% approval ratings naman ang nakamit ni Senate President Migz Zubiri.

Sa ilalim din ng pamumuno ni Senate President Zubiri, nakakuha rin ang Senado ng 83% trust at 80% approval ratings.

Samantala batay sa regional assessment na inilabas ng RPMD, nakuha ni Pangulong Marcos ang 86.0% trust rating at approval rating na 81.6% sa Luzon.

Ayon kay Dr. Paul Martinez, Global Affairs Analyst at Executive Director ng RPMD, inilabas ang survey na ginanap noong March 18-23, 2024 upang magsilbing “messenger” at “voice of the people.”