PHP2-MILYONG HALAGA NG SHABU, BARIL, NASAMSAM SA JANAWI CRIMINAL GROUP NG MGA AWTORIDAD SA CENTRAL LUZON

BABALA!! SENSITIBONG BALITA:

PHP2-MILYONG HALAGA NG SHABU, BARIL, NASAMSAM SA JANAWI CRIMINAL GROUP NG MGA AWTORIDAD SA CENTRAL LUZON

Kulong ang lider ng Janawi Criminal Group at dalawang miyembro nito at nahaharap sa mga kasong paglabag sa Comprehensive Dangerous Drugs Act of 2002 at COMELEC Resolution no. 10918.

Ito’y matapos na maaresto ng mga awtoridad ang mga suspek sa isinagawang anti-drug operation sa Subic, Zambales, noong Nobyembre 22, 2023.

Kinilala si Roger Janawi, ang pinuno ng grupo at dalawang miyembro nito na sina Ace Delos Santos Villones, 25 years old, at John Paul Lanang Lacbain , 28 taong gulang.

Base sa report ni Police Region 3 Director PBrig. Gen. Jose S Hidalgo Jr., gabi nang ilunsad sa Brgy. Calapacuan, Subic ang operation ng Philippine Drug Enforcement Agency (PDEA) Zambales Provincial Office, Police Intelligence Unit (PIU) Zambales Provincial Police Office (ZPPO), Provincial Drug Enforcement Unit (PDEU) ZPPO, 2nd Provincial Mobile Force Company (PMFC) ZPPO, 305th Mobile Company (MC), Regional Mobile Force Battalion 3 (RMFB3), at Provincial Intelligence Team (PIT) Zambales-RIU3.

Nakuha umano mula sa tatlo ang hinihinalang shabu na tumitimbang ng 296 grams na may street value na Php 2,012,800.00 at isang Caliber .38 Revolver na may anim na bala.