PINOY BRAND NG FOAM, NAKAPAGTALA NG WORLD RECORD SA GUINNESS
Gumuhit ng kasaysayan ang Pinoy Brand Foam na Uratex para sa bansa nang makagawa ito ng pinakamalaking human mattress dominoes.
Tinalo ng may kabuuang 2, 355 human mattress dominoes ng Uratex ang kasalukuyang world record na 2, 019 human mattress dominoes.
Sa loob ng labing apat na minuto at dalawampu’t limang segundo ay matagumpay na naitumba ng mga kalahok ang mga kutson sa tuloy-tuloy na domino effect.
Napuno ng tension ang buong SMX Convention Center ngunit naputol ito nang ianunsiyo ng official adjudicator na si Mai McMillan na nakagawa na ng bagong Guinness World Records ang Uratex at tinalo ang dating record na nagawa sa Brazil noong 2019.
Sakto naman ang pagkakakuha ng award na ito ng Uratex na kilalang gumagawa ng pinakamataas na kalidad ng mga kutson at iba pang world-class na mga produkto, dahil ipinagdiriwang din nila ang kanilang ika-limampu’t limang anibersaryo.
Bukod sa naitalang record, ang mga kutson na ginamit dito ay ipamamahagi sa limampu’t limang mga charitable organizations na napili ng Uratex.
Pinasalamatan naman ni Managing Director Peachy Cheng-Medina, ang lahat ng mga kalahok na tumulong para maisakatuparan at makamit ang bagong record.
