PRESYO NG SIBUYAS SA BONGABON, SUMIRIT SA P250 KADA KILO
Sumirit na sa hanggang P250 kada kilo ang presyo ng good quality na sibuyas sa Bongabon, Nueva Ecija, na kilala bilang Onion Capital of the Philippines.
Ayon sa mga tindera sa Barangay Lusok, umaangkat na lamang sila mula sa mga bodega dahil nalulugi ang kanilang sariling taniman.
Matagal nang hirap ang mga magsasaka matapos salantain ng peste at kalamidad ang kanilang mga pananim.
Dahil malayo pa ang susunod na taniman at kulang ang supply, patuloy na nagtataas ang presyo ng lokal na sibuyas.
Nasa P180–P200 kada kilo ang reject na pulang sibuyas sa lugar.
Pero ayon kay Rowena, tumatagal rin ng ilang buwan ang pag-i-stock ng mga reject na sibuyas.
Samantala, ang imported na puting sibuyas ay mas mura, na naglalaro sa P100–P110 kada kilo.
Mas mataas din ang bentahan sa Sangitan Public Market, na bagsakan ng mga gulay, sa Cabanatuan City, kung saan umaabot sa P280 kada kilo ang pulang sibuyas. Nasa P120 kada kilo naman ang puting sibuyas sa naturang pamilihan.
Sa huli, ay inanyayahan ni Rowena amg kanyang mga suki na dayuhin sa kanyang pwesto.
