Shark Attack sa Australia: Ikaapat na Insidente sa Loob ng 48 Oras
Napabilang sa listahan ng shark attack sa Australia ang isang surfer na nakagat ng pating sa New South Wales, o NSW. Ang 39-anyos na lalaki ay nagtamo ng sugat sa dibdib matapos kagatin ng pating ang kanyang surfboard habang nagsu-surf.
Ayon sa pulisya, agad siyang nabigyan ng medical attention at dinala sa ospital para sa masusing pagsusuri. Kalaunan, siya ay pinayagang makauwi dahil hindi naman malubha ang kanyang mga natamong sugat.
Naganap ang insidente malapit sa Point Plomer campground sa Mid North Coast ng New South Wales. Ang lugar ay matatagpuan humigit-kumulang 450 kilometro sa hilaga ng lungsod ng Sydney.
Mga Beach sa Sydney, Isinara Matapos ang Shark Attack sa Australia
Samantala, tatlo pang shark attacks ang naitala sa Sydney sa loob lamang ng nakalipas na dalawang araw. Dahil sa sunod-sunod na insidente, isinara ang lahat ng beach sa northern Sydney area.
Ayon sa pulisya, mananatiling sarado ang mga beach hanggang sa maglabas ng bagong abiso ang awtoridad. Noong Linggo, isang 12-anyos na bata ang kritikal na nasugatan matapos kagatin ng pating sa Sydney Harbour.
Ilang oras matapos ang insidente, isang 27-anyos naman ang nagtamo ng life-changing injuries sa isang beach sa Manly. Bukod pa rito, isang surfer din sa Dee Why Beach ang nakaligtas matapos makagat ngunit hindi nagtamo ng malubhang sugat.
Malakas na Ulan, Posible Umanong Sanhi ng Mga Pag-atake ng Pating
Ayon sa mga awtoridad, posibleng may kinalaman ang ilang araw ng malalakas na ulan sa mga insidente. Ang ulan ay nagdadala ng nutrients at isda mula sa mga ilog patungo sa dagat at mga baybayin.
Dahil dito, mas napapalapit ang mga pating sa mga lugar na madalas puntahan ng mga lumalangoy at surfer. Naniniwala ang mga eksperto na bull sharks ang sangkot sa karamihan ng mga pag-atake.
Ang bull sharks ay kayang mabuhay sa parehong fresh water at salt water. Kilala rin sila bilang isa sa mga shark species na posibleng maging delikado sa tao.
Ayon sa mga eksperto, bihira ang ganitong sunod-sunod na insidente ng shark attack sa Australia. Kaya pinayuhan na ang publiko na iwasan muna ang paglangoy sa mga nasabing dagat.
