TIWALA SA SANGKATAUHAN, NAIBALIK SA MGA NETIZENS DAHIL SA KABUTIHAN NG TRICYCLE DRIVER

TIWALA SA SANGKATAUHAN, NAIBALIK SA MGA NETIZENS DAHIL SA KABUTIHAN NG TRICYCLE DRIVER

Gaano pa kalalim ang tiwala nyo sa kabutihan ng sangkatauhan? Isang mommy ang nagpost sa kanyang Facebook account patungkol sa “Faith in Humanity” dahil sa kabutihan ng isang tricycle driver.

Ayon sa post ni Rheena S. Guañezo Caampued noong August 29, 2023, ay nawala ang wallet ng kanyang Grade 10 student na anak na si Regneer, dulot daw yata sa excitement nito dahil unang araw ng pasukan.

Nilalaman ng wallet ni Regneer ang mahigit isang libong pisong allowance nito para sa isang linggo at ang mga foreign currency na bigay daw ng kanyang mga tito at tita.

Sinabi ni mommy Rheena sa kanyang viral post na inakala talaga niyang nawala na ang wallet ng kanyang anak at paniguradong matututunan ni Regneer ang kanyang leksyon.

Hindi daw nito inaasahan na pagkalipas ng ilang minutong panic ay tumawag ang driver ng sinakyang tricycle ni Regneer na si Beejay Carlos De Leon upang ipaalam sa kanila na ibabalik nito ang naiwang wallet ng kanyang anak sa kanyang sasakyan.

Ikinagagalak ni mommy Rheena na nararanasan ng kanyang mga anak ang kabutihan ng kapwa dahil sigurado daw siyang mas magiging mabuting tao ang kanyang mga anak dahil sa ganitong klase ng mga tao.

Nagpahayag din si mommy Rheena ng pasasalamat kay manong driver dahil sa pagiging tapat nito.

Marami naman sa mga netizens ang tila nanumbalik ang tiwala sa kabutihan ng sangkatauhan at nagpahayag din ng kanilang mga saloobin dahil sa act of kindness na ito ni Beejay.

Ilan sa mga komento ay “Buti na lang at si manong driver ang nakakuha, may honesty and integrity. Good job sa kanya and nakakatuwang malaman na may mga tao pang tulad nya na pwedeng pamarisan ng mga bata.”. “Nakakatuwa naman na may mga mabubuting tao pa rin na na-pe-feature sa FB – thank you po sir grab driver May pag-asa pa pala ang mundo., “Keep up the good work brad para marami ang magtiwala sa mga tulad nating tricycle driver pagpalain ka brad.”, “Beejay Carlos de Leon, your “ONE IN A MILLION” salute sa mga katulad mong may mabuting puso. Ingat po lagi. Kasama ka sa prayer namin. “