TRAIN SA BANGLADESH, BYAHENG SEMENTERYO, SASAKAY KA BA?
Kakayanin mo bang sumakay sa train kung ganito karami ang ang mga sumasakay na pasahero?
Dito sa Pilipinas ipinagbabawal ang overloading sa mga sasakyan. Pero paminsan-minsan ay may mga jeep at bus din naman na punuan lalo na sa mga probinsiya.
Sa PNR, MRT o LRT ay halos siksikan din kapag rush hour kaya nag-uunahan.
Pero hindi pinapayagan ang sumabit o sumakay sa bubongan ng train dahil lubhang napaka delikado.
Pero dito sa Bangladesh makikita ang sobrang dami ng sumasakay sa train. Ang mga pasahero ay halos balutin na nila ang buong train, dahil may nakasakay sa bubong, may mga nakasabit sa pinto, at bintana maging ang harapan ng train ay punong puno nang mga tao na halos matakpan na ang driver nito.
Mayroon pang nakatayo sa bubong ng train. Maging mga babae umaakyat din sa bubong para lang makasakay.
Ang malaking tanong: Bakit nga ba overloaded ang mga train?
Bakit nga ba sobrang dami ang sumasakay ng train sa Bangladesh?
Naging viral ang videong ito na makikita na ang mga pasaherong Bangladesh na nakasakay sa train ay dumalo sa kanilang taunang pagdiriwang na Beshwa Ijtema o pagtitipon ng mga Muslim sa Tongi Bangladesh. Itinuturing ito na pangalawa sa pinaka malaking Islamic gathering sa buong mundo.
Dinadaluhan ito ng 4 to 5 milyong katao na naging sanhi ng pagdagsa ng napakaraming tao na sumasakay sa train sa kanilang bansa.
Sa panahon na ipinagdiriwang taon taon ang Beshwa Ijtema nahihirapan ang mga pasahero makabili ng ticket sa train kaya napipilitan nalang silang sumakay sa bubong.
Bakit nga ba ganon nalang karami ang mga pasahero sa Bangladesh?
Ang dahilan ay dahil sa over population at overcrowded na ang Bangladesh na umabot na sa mahigit 167 million ang kanilang mga mamamayan at itinuturing din bilang densely populated na bansa ito sa buong mundo.
Sa mabilis na pagdami ng population ng Bangladesh hindi nakasabay ang kanilang bansa sa pagpapatayo ng mga makabagong imprastraktura at modernisasyon sa transportasyon partikular gaya ng train.
Posibleng dahilan din ang talamak na korapsiyon at mismanagement.
Kapag ordinaryong araw naman at walang mga pagdiriwang ay hindi naman ganito karami ang mga pasahero sa train pero lumalagpas parin sa seating capacity nito.
