TRILYONG-PISONG PONDO PARA SA FLOOD CONTROL PROJECTS NA INILIPAT SA EDUKASYON, DAPAT PA RIN UMANONG BANTAYAN
Inilipat ang trilyong pisong pondo mula sa mga kuwestiyonableng flood control projects patungo sa edukasyon.
Kaya naman umabot sa P1.038 trilyon ang budget sa edukasyon, na pinakamataas na budget sa kasaysayan ng bansa.
Ikinatuwa ito ni Sen. Bam Aquino, na nagsulong ng repormang pang-edukasyon.
Tinuturing ni Aquino na panalo para sa kabataan ang pag-redirect ng pondo, lalo na’t pinalakas ng Senado ang classroom budget mula P13.2-Billion tungong P65.9-B para mabawasan ang 165,000-classroom backlog.
Kasama rito ang pagpapatupad ng Classroom-Building Acceleration Program.
Lumaki rin ang pondo ng School-Based Feeding Program mula P11.7-B patungong P28.6-B upang masakop ang 200 araw ng feeding para sa Kinder at Grade 1, at targeted feeding hanggang Grade 6.
Patuloy ring sinusuportahan ang Free College Law, na nagbibigay ng libreng kolehiyo sa 5.7-Milyong estudyante sa State Universities and Colleges at Local Universities and Colleges.
May dagdag na tulong din sa vulnerable students.
Ngunit nagbabala si Aquino na dapat manatiling mapagmatyag ang publiko dahil dadaan pa ang pondo sa BICAM at kailangan pa itong mapirmahan ng Pangulo.
