Ang viral baby monkey na si Punch ay pinag-uusapan ngayon dahil sa kanyang malungkot na karanasan sa Japan.
Noong 2024, unang nag-viral ang pygmy hippopotamus na si Moo Deng dahil sa kanyang sobrang ka-cute-tan na itsura. Maraming netizens ang tumutok sa kanyang paglaki sa loob ng Khao Kheow Open Zoo sa Thailand.
Samantala, ngayong taon, isang batang macaque ang umagaw ng atensyon ng publiko. Siya ay si Punch, na nakatira sa Ichikawa City Zoo sa Japan. Gayunpaman, hindi saya ang dahilan ng kanyang pag-viral. Iniwan siya ng kanyang ina habang siya ay sanggol pa lamang.
VIRAL BABY MONKEY NA SI PUNCH, PINAG-UUSAPAN ONLINE DAHIL SA KANYANG SITWASYON
Sa halip na tunay na ina, stuffed toy na orangutan ang kanyang kayakap. Dahil dito, maraming netizens ang naantig sa kanyang mga larawan online. Makikitang mahigpit niyang yakap ang laruan para sa comfort at seguridad. Bukod dito, mas lalong dumami ang kanyang supporters matapos kumalat ang isang video. Sa naturang video, makikitang kinakaladkad siya ng isang adult monkey. Habang umiiyak, tila wala siyang magawa sa gitna ng kaguluhan. Pagkatapos pakawalan, agad siyang tumakbo pabalik sa kanyang stuffed toy.
Noong February 20, naglabas ng opisyal na pahayag ang Ichikawa City Zoo. Ayon sa mga zookeeper, sinubukan ni Punch makipaglaro sa isa pang baby monkey. Subalit iniwasan siya nito habang sinusubukan niyang makipag-ugnayan. Kalaunan, pinagalitan at kinalladkad siya ng isang adult monkey. Pinaniniwalaang ina iyon ng baby monkey na kanyang nilapitan. Dagdag pa ng zoo, bahagi ito ng natural na social dynamics ng troop. Bagaman mahirap panoorin, wala umanong seryosong agresyon laban kay Punch. Sa katunayan, inaasahan na raw nila ang ganitong hamon. Unti-unti kasi siyang ini-integrate sa grupo ng Japanese monkeys. Kahit napapagalitan, hindi siya nakakaranas ng matinding pananakit. Higit sa lahat, ipinakita ni Punch ang kanyang tibay at mental strength.
Kaya naman hinihikayat ng zoo ang publiko na suportahan siya. Sa halip na puro awa, mas mahalaga ang pag-unawa sa kanyang proseso. Mula kay Moo Deng hanggang kay Punch, patuloy na hinahawakan ng mga hayop ang puso ng marami.
