Bagong Rates at Dagdag Sahod sa Gitnang Luzon
Dagdag sahod sa Gitnang Luzon ang ipatutupad ng Regional Tripartite Wages and Productivity Board III (RTWPB3) para sa ikalawang tranche ng umento.
Simula sa April 16, 2026, madaragdagan ng Php 30.00 hanggang Php 40.00 ang arawang kita ng mga manggagawa sa Central Luzon.
Dahil dito, makukumpleto na ang kabuuang umento na ipinangako sa ilalim ng Wage Order No. RBIII-26 noong nakaraang taon.
Matatandaan na ang unang tranche ay naibigay na noong October 2025 para matulungan ang mga empleyado sa Central Luzon.
Sa ilalim ng second tranche implementation, magiging Php 600.00 na ang daily minimum wage para sa mga nasa non-agriculture sector.
Samantala, tataas naman sa Php 570.00 ang sahod sa agriculture sector at Php 590.00 para sa retail at service establishments.
Gabay para sa Dagdag Sahod sa Gitnang Luzon at Aurora
Asahan ang mga naturang dagdag sahod sa Gitnang Luzon partikular sa mga probinsya ng Bataan, Bulacan, Nueva Ecija, Pampanga, Tarlac, at Zambales.
Bukod sa mga probinsyang ito, may nakalaan din na umento para sa mga manggagawa sa lalawigan ng Aurora ngayong taon.
Sa probinsya ng Aurora, magtataas ng minimum wage sa Php 560.00 para sa non-agriculture sector.
Para naman sa agriculture sector sa Aurora, aakyat ang sahod sa Php 545.00.
Sa retail at service sector naman, makakatanggap ang mga empleyado ng Php 40.00 na umento para maging Php 515.00 ang kanilang sahod.
Pagbalanse sa Kapakanan ng Manggagawa at Negosyo
Ayon kay RTWPB3 Board Secretary Kenneth D. Liza, kinikilala ng Board ang hirap na dinaranas ng mga kumpanya at mga manggagawa.
Ang calibrated increase na ito ay binuo upang protektahan ang mga nag-ta-trabaho at panatilihin ang operasyon ng mga negosyo.
Sinuri umano ng Board ang kakayahan ng mga kumpanya na magbayad base sa productivity at kasalukuyang socio-economic conditions ng buong rehiyon.
