Opisyal nang sinimulan noong May 17 ang taunang Sayaw sa Obando o Fertility Dance Festival 2026 sa bayan ng Obando, na nagtapos nitong May 19.
Libo-libong deboto mula sa iba’t ibang lugar ang nakiisa sa tatlong araw na selebrasyon upang manalangin at humingi ng biyaya para sa kanilang pamilya at personal na buhay.
Kabilang sa mga ipinagdarasal ng mga dumalo ang pagkakaroon ng anak, mabuting kapareha sa buhay, pagkakasundo ng pamilya, at magandang kinabukasan sa gitna ng mga pagsubok.
Isinagawa ang tradisyunal na sayaw at mga gawaing panrelihiyon sa paligid ng National Shrine of Our Lady of Salambao bilang bahagi ng makasaysayang debosyon ng bayan.
Marami rin ang humiling ng lakas at gabay upang malampasan ang kahirapan at krisis na kinakaharap ng maraming Pilipino.
Naging tampok din sa pagdiriwang ang mga prusisyon, misa, at cultural performances na nagpapakita ng mayamang tradisyon at pananampalataya ng mga taga-Obando.
Patuloy namang nagsisilbing simbolo ng pag-asa, pananalig, at pagkakaisa ng komunidad ang kilalang fertility dance festival sa Bulacan.
