Gaganapin ang SAMBO Championships sa Pilipinas sa kauna-unahang pagkakataon ngayong buwan ng Hunyo.
Handa na ang bansa para sa pinakamalaking torneyo ng sambo sa buong Asia at Oceania.
Mahigit sa 500 na mga atleta mula sa 31 bansa ang darating sa bansa para sa 2026 Asia and Oceania Sambo Championships.
Paghahanda para sa SAMBO Championships sa Pilipinas
Nakatakdang ganapin ang kompetisyon sa Ninoy Aquino Stadium, Manila.
Maaaring makabili ng mga ticket ON-SITE sa gate ng venue sa halagang PHP 100.
Kaya naman, inaanyayahan ang lahat na manood sa stadium upang mag-cheer sa Team Philippines ng live.
Para sa mga hindi makakapunta, maaari ring i-stream ang tournament online sa sambo.live at sa Facebook Live.
Iskedyul ng SAMBO Championships sa Pilipinas
Magsisimula ang opisyal na pagdating ng mga kalahok para sa malaking event na ito sa June 23.
Kasunod nito, gaganapin ang mga seminar para sa certification ng mga referees at coaches sa June 24.
At para sa unang araw ng laban, ang mga preliminary at semi-finals ng Youth Sport ay magsisimula sa June 25.
Bukod sa mga timbang ng mga atleta, magkakaroon din ng SUAO 2026 Annual Congress sa hapon.
Samantala, ang Weigh-in para sa Adult Sport at Combat ay itinakda naman sa darating na June 26.
Pagkatapos nito, gaganapin ang Opening Ceremony ng 2026 SUAO Continental Championships pati na ang mga finals.
Dagdag pa rito, ang Hunyo 27 ay nakalaan para sa preliminary bouts at finals ng Adult divisions.
Huling Araw ng Kompetisyon at Pag-alis ng mga Atleta
Sa huling araw ng kompetisyon, pagkatapos ng mga awarding ceremony sa gabi, magkakaroon ng masayang Athletes’ Banquet para sa lahat ng delegates.
Bilang pagtatapos, ang opisyal na check-out at pag-alis ng mga kalahok sa kanilang hotel ay sa June 29.
Ang malaking event na ito ay itataguyod sa pagtutulungan ng Philippine Sports Commission at Department of Tourism.
