Habang papalapit ang pagbubukas ng klase, sinisikap ng maraming magulang at estudyante na makatipid sa pagbili ng mga gamit sa paaralan. Kaya naman, nag-aalok ang Yeshua Retail OPC ng iba’t ibang school supplies sa mas mababang presyo para makatulong sa paghahanda ng mga pamilya ngayong balik-eskwela.
Mabibili sa kanilang tindahan ang mga notebook na nagkakahalaga ng P95 hanggang P125 kada bundle o sampung piraso, may cover man o wala. Nasa P90 hanggang P115 naman kada bundle ang mga pad paper. Mayroon ding ballpen na nagkakahalaga ng P50 hanggang P125 kada kahon, lapis na nasa P30 hanggang P110 kada dosena, at bond paper na naglalaro sa P155 hanggang P183.
Kabilang din sa kanilang mga paninda ang ruler na nagkakahalaga ng P42 kada dosena, folder na mula P6.50 hanggang P7 kada piraso, glue na nasa P14 hanggang P17, at plastic envelope na may handle na mabibili sa halagang P42 kada isa. Bukod dito, marami pang iba pang school supplies na maaaring pagpilian ng mga mamimili.
ABOT KAYANG SCHOOL SUPPLIES, INIAALOK SA MGA MAGULANG AT ESTUDYANTE NGAYONG BALIK ESKWELA
Ayon kay Julia Madelo ng Yeshua Retail OPC, mas malaki ang matitipid ng mga mamimili kapag bumibili nang naka-bundle o kada kahon dahil may nakalaang diskwento ang kanilang tindahan.
Dagdag pa ni Madelo, hindi na kinakailangan pang bumiyahe sa Divisoria o Baclaran upang makahanap ng murang school supplies dahil maaari nang makabili ng kumpleto at abot-kayang gamit sa paaralan sa kanilang tindahan sa Cabanatuan City.
Matatagpuan ang Yeshua Retail OPC sa Paco Roman Street, Barangay Dicarma, Cabanatuan City, katabi ng BDO, kung saan maaaring mamili ng mga school supplies para sa nalalapit na pasukan nang hindi kinakailangang lumuwas pa sa ibang lugar.
