Naganap kahapon, Marso 3, 2026, ang inaabangang blood moon. Ang blood moon ay isang total lunar eclipse kung saan nagiging mapula ang buwan. Nagiging pula ito dahil nasasala ng atmospera ng mundo ang liwanag ng araw. Ayon sa mga siyentipiko, natural at matagal nang napag-aaralan ang ganitong pangyayari.
BLOOD MOON TOTAL LUNAR ECLIPSE, NAGING USAP-USAPAN ANG KAUGNAYAN SA BIBLICAL PROPHECY
Gayunman, naging mainit itong paksa sa ilang grupong panrelihiyon. May mga naniniwalang may kaugnayan ang blood moon sa biblical prophecy. Binanggit sa Joel 2:31 at Acts 2:20 ang buwan na magiging parang dugo bilang tanda ng mga huling araw.
Sa Revelation 6:12, inilalarawan din ang buwan na naging kulay dugo. Mas naging kapansin-pansin ang eclipse dahil naganap ito noong 3/3 at umabot sa 3:33 a.m. PST ang pinakamataas na yugto.
Ikatlong sunod na taon din itong tumapat o malapit sa Purim, pista ng mga Hudyo tungkol sa kaligtasan mula sa sinaunang Persia o Iran.
May ilang nag-uugnay nito sa mahahalagang pangyayari sa Israel at sa tensyon sa Middle East, habang ang iba ay naniniwalang simboliko lamang ang mga talata.
Para sa marami, paalala ito ng espiritwal na paghahanda, ngunit para sa agham, isa lamang itong pangkaraniwang kaganapan sa kalawakan.
